თბილისის 35-ე საჯარო სკოლის მასწავლებლების განცხადებით, დაჭრილ მოზარდებს თავს ორი უცნობი პირი დაესხა. შემთხვევა მაშინ მოხდა, როდესაც მეთორმეტე კლასელები რეპეტიტორთან მიდიოდნენ.

მათივე თქმით, მოზარდებსა და უცნობებს შორის სიტყვიერი შელაპარაკება მოხდა.

„ორი უცნობი ბიჭი იყო, რომლებიც აგვიხირდნენ რაღაც თემაზეო. კამათი მოჰყვა ამ ახირებას, ბავშვები შეკამათდნენ ერთმანეთში და მერე ისე დაგვჭრეს ამ ბიჭებმა, რომ ვერ მივხვდითო. როდესაც სისხლის დავინახეთ საკუთარ თავზე მერე მივხვდით, რომ დაჭრილები ვართ და ვიღაცამ გადმოგვიყვანა რესპუბლიკურ საავადმყოფოში”-განაცხადა ერთ-ერთმა პედაგოგმა "კურიერთან" საუბრისას.

ორი მოზარდი „წითელ ბაღთან“ გუშინ საღამოს დაჭრეს. ისინი საავადმყოფოში არიან მოთავსებულნი.