საპარლამენტო უმრავლესობის წარმომადგენელი რატი იონათამიშვილი შსს-ს მიერ დანაშაულის სტატისტიკის გამოქვეყნების ფაქტს ეხმაურება და დადებითად აფასებს.

როგორც ის აღნიშნავს, მნიშვნელოვანია, რომ შსს-ში გამართულ ბრიფინგზე სტატისტიკის გამოქვვეყნებასათან ერთად საუბარი იყო იმ რეფორმებზე, რომელიც უკვე დაწყებულია სამინისტროში.

„მინდა დადებითად შევაფასო, რომ შინაგან საქმეთა სამინისტროს ახალმა ხელმძღვანელობამ შეასრულა დაპირება და დეტალური სტატისტიკა გამოაქვეყნა. ცხადია, მხოლოდ არსებული სურათის ობიექტური გააზრებით არის შესაძლებელი ყველა იმ გამოწვევის დაძლევა, რომლის წინაშეც დგას ჩვენი ქვეყანა და რაც უზრუნველყოფს ევროპული ტიპის პოლიციის ფორმირებას, სადაც მთავარი ყურადღება რეპრესიული პოლიტიკის ნაცვლად, პრევენციული პოლიტიკის გატარებას ეთმობა.

მნიშვნელოვანია, რომ შსს-ში გამართულ ბრიფინგზე სტატისტიკის გამოქვვეყნებასათან ერთად საუბარი იყო იმ რეფორმებზე, რომელიც უკვე დაწყებულია სამინისტროში. კერძოდ, კრიმინალური პოლიციის, სასაზღვრო პოლიციის და პატრულის რეფორმიება არის აუცილებელი გზა ჩვენი მოსახლეობის უსაფრთხო გარემოს უზრუნველსაყოფად.

მოხარული ვარ, რომ შინაგან საქმეთა სამინისტრო იცავს გამჭირვალეობისა და ღიაობის პრინციპს და კრიმინალის საპასუხოდ მთავარ აქცენტს, კანონის ფარლგებში, მკაცრ და პრინციპულ მოქმედებასთან ერთად ადამიანის უფლებების მაქსიმალურ დაცვაზე აკეთებს“-განაცხადა რატი იონათამიშვილმა.