კლუბ „ბასიანის“ ინციდენტზე დაკავებული თამაზ ქვლივიძის ადვოკატი მისთვის პატიმრობის შეფარდების გადაწყვეტილებას უსამართლოს უწოდებს. როგორც ზაზა მესხმა მედიასთან განმარტა, მისი დაცვის ქვეშ მყოფი თავს იცავდა და ამ მიზნით გამოიყენა დანა. მისივე თქმით, გამოძიებას ეს მტკიცებულებები წარედგინება.

„გადაწყვეტილება უკანონოა, დაუსაბუთებელი. მოსამართლეზე, სამწუხაროდ, მოხდა ზეწოლა და ამას ვერ გაუძლო. მოხდა ზეწოლა საზოგადოების მხრიდან, იმ თანამშრომლების და „ბასიანის“ მფლობელების მხრიდან, რომლებიც უსირცხვილო განცხადებებს აკეთებენ.

აქამდე ამას არ ვამბობდი, მაგრამ ახლა ვიტყვი- იმ დაცვის თანამშრომლების და სხვა თანამშრომლების მიერ მოხდა ფიზიკური ზეწოლა ჩემი დაცვის ქვეშ მყოფზე. გამოძიების ეტაპზე წარვადგენთ მკიცებულებებს თუ რა დაზიანება მიიღო მან და რა გახდა იმის მიზეზი, რომ მას დანა ამოეღო“-განაცხადა ადვოკატმა.

ბრალდებულ თამაზ ქვლივიძეს წინასწარი პატიმრობა შეეფარდა. ის სასამართლო დარბაზშივე დააპატიმრეს.