ფრაქცია "ქართული ოცნების" თავმჯდომარის მამუკა მდინარაძის განცხადებით, ქვეყნის უსაფრთხოების სამსახურს საზოგადოების მხრიდან მაქსიმალური მხარდაჭერა სჭირდება.

მისივე თქმით, ქვეყნის უსაფრთხოების სამსახურს აქვს ერთადერთი მიზანი მოქმედებისას - დაიცვას ქვეყნისა და მოქალაქეთა უსაფრთხოება.

"შვილის დაღუპვაზე დიდი ტრაგედია არ არსებობს და მშობლის რეაქციაც აბსოლუტურად გასაგებია, თუმცა გაუგებარია ასეთი თემებით სპეკულირება პოლიტიკური მიზნებისთვის იმ ადამიანებისგან, რომლებიც საკუთარი ინტერესის იქით ვერაფერს ხედავენ. ჩვენი ქვეყნის უსაფრთხოების სამსახურს აქვს ერთადერთი მიზანი მოქმედებისას - დაიცვას ქვეყნისა და მოქალაქეთა უსაფრთხოება, ამიტომ მას სჭირდება მაქსიმალური მხარდაჭერა საზოგადოების მხრიდან. რა თქმა უნდა, ეს არ გამორიცხავს გამოძიების ვალდებულებას - დეტალური და ამომწურავი პასუხი გასცეს ყველა კითხვას, მათ შორის ამ ეპიზოდთან დაკავშირებითაც", - განაცხადა მამუკა მდინარაძემ.

26 დეკემბერს პანკისის ხეობაში ჩატარებული სპეცოპერაციისას დაჭრილი თემირლან მაჩალიკაშვილი დღეს დილით საავადმყოფოში გარდაიცვალა.