დეკანოზ გიორგი მამალაძესთან დაკავშირებული საბანკო დოკუმენტი, რომელიც პენიტენციური დაწესებულების ადმინისტრაციამ გამოძიებას გადაუგზავნა, მამალაძესა და ერთ-ერთ შორის მის დაკავებამდე არსებულ საბანკო ურთიერთობას ეხებოდა. ჟურნალისტის შეკითხვაზე - ძველი თარიღით აწერდა თუ არა მამალაძე ხელს საბანკო ხელშეკრულებას, ადვოკატმა განმარტა, რომ დოკუმენტს ხელმოწერა ძველი ურთიერთობებიდან გამომდინარე ხდებოდა. „არსებობს ვიპ, ინტენსიური კლიენტი, რომელთანაც ურთიერთობა მობილურის საშუალებითაც ხდება, რომელიც ყველაფერს ასრულებს, თუმცა გარკვეული ადგილმდებარეობიდან გამომდინარე, ან დროის სიმცირის გამო, ვერ ახერხებს იმ წუთს მისვლას და ხელმოწერას და ყველა ინფორმაცია ბანკთან ურთიერთობაში არის სრულყოფილი. ასეთ შემთხვევაში, გარკვეული პერიოდის შემდეგ, შესაძლებელი ყოფილა ხელმოწერა. ძველი თარიღით, არა, ანუ ძველი ურთიერთობებიდან გამომდინარე, რაც იყო გამოუწველი ხელმოუწერლობის მიზეზი, ეს ყველაფერი აისახებოდა ახალ დოკუმენტაციაში“, - განაცხადა რამიშვილმა და აღნიშნა, რომ საუბარია ავეჯის განვადებასთან დაკავშირებულ დოკუმენტზე.