საქართველოს კათოლიკოს პატრიარქი ილია მეორე ბერი გაბრიელ სალოსის გამზირზე ჩატარებულ სპეცოპერაციას გამოეხმაურა.

როგორც პატრიარქმა ქაშუეთის ტაძარში წირვის დასრულების შემდგომ ბრძანა, ღმერთი მფარველობს საქართველოს.

„გუშინ საქართველომ დიდი განსაცდელი გამოიარა, მაგრამ ღმერთი მფარველია ჩვენი. ორივე მხარეს არის მსხვერპლი. ჩვენ განვიცადეთ ის მწუხარება. ღმერთმა მშვიდობა მოგვცეს. ღმერთმა გვაშოროს შინაური და გარეული მტერი“-ბრძანა პატრიარქმა.

შეგახსენებთ, რომ გუშინ ბერი გაბრიელ სალოსის გამზირზე სპეცოპერაცია ჩატარდა, რის შედეგადაც ერთი სპეცრაზმელი გარდაიცვალა და სამი დაშავდა.

ოპერაციისას ერთი პირი დააკავეს, ხოლო სამის ლიკვიდირება მოხდა. ისინი
სავარაუდოდ, დანაშაულებრივი დაჯგუფების წევრები არიან.