პანკისის სოფელ დუისის პოლიციის შენობაში ბერი გაბრიელ სალოსის ქუჩაზე მიმდინარე სპეცოპერაციის თაობაზე დუისის მკვიდრის, ასლან ჯაბრაილოვის დაკითხვა მიმდინარეობს.
არსებული ინფორმაციით, ჯაბრაილოვი ის პირია, ვის სახლშიც ახლა ტერორიზმში ეჭვმიტანილები არიან გამაგრებულები.
ასლან ჯაბრალოევმა საკუთარი ბინა დაუზუსტებელი ინფორმაციით, რამდენიმე თვის წინ ცოლის ძმის მეშვეობით გააქირავა.
ასლან ჯაბრაილოვის დეიდის განცხადებით, მის დისშვილს ტერორიზმთან კავშირი არ აქვს.
„ახმეტის „სოკარში“ მუშაობს ჩემი დისშვილი. ცუდ ხალხთან, ტერორისტებთან მას კავშირი არ აქვს. მისი ბინა გაქირავებული არ იყო ნამდვილად“- განაცხადა ჯაბრაილოვის დეიდამ.
შეგახსენებთ, რომ სპეცოპერაცია გაბრიელ სალოსის ქუჩაზე 18 საათზე მეტია მიმდინარეობს. დაკავების ოპერაცია, სავარაუდოდ, ტერორიზმში ეჭვმიტანილების წინააღმდეგ მიმდინარეობს. დაკავებულია ერთი პირი. სპეცოპერაციისას დაიჭრა ერთი სპეცრაზმელი.