საქართველოში ამერიკის ელჩის, იან კელის განცხადებით, ძალიან მნიშნველოვანია, რომ მოსახლეობის უსაფრთხოებისთვის გარკვეული ზომებია მიღებული.
მისივე თქმით, გასათვალისწინებელია, რომ სპეცოპერაციის დასრულების შემდეგ, სამართალდამცავმა ორგანოებმა საზოგადოებას დეტალური ინფორმაცია უნდა მიაწოდონ.
„ყველაზე მეტად რაც გვაღელვებს, ეს მოსახლეობის უსაფრთხოებაა. ყურადღებით ვაკვირდებით პროცესს და ვიცით, რომ ის გარკვეული ზომები მოსახლეობის უსაფრთხოებისთვის მიღებულია და ეს ძალიან მნიშნველოვანია. აქ ორი საკითხია გასათვალისწინებელი, პირველი, რომ გარანტირებული უნდა იყოს ადამიანების უსაფრთხოება, მეორე, როდესაც სპეცოპერაცია დასრულდება, სამართალდამცავმა ორგანოებმა გამჭვირვალედ მიაწოდონ ინფორმაცია მოსახლეობას" - განაცხადა იან კელიმ.
შეგახსენებთ, რომ სპეცოპერაცია გაბრიელ სალოსის ქუჩაზე 18 საათზე მეტია მიმდინარეობს. დაკავების ოპერაცია, სავარაუდოდ, ტერორიზმში ეჭვმიტანილების წინააღმდეგ მიმდინარეობს. დაკავებულია ერთი პირი. სპეცოპერაციისას დაიჭრა ერთი სპეცრაზმელი.