ხუთი წლის ბოგდან პრახოვის ცხედარი ვლადიმირის ოლქში ტყეში აღმოაჩინეს. გამტაცებელი ბავშვს სასტიკად მოეპყრა, იუწყება Life News.

პოლიციელებმა ბავშვის ცხედარი გატაცების ადგილის სიახლოვეს, გრიბოვოს დასახლებასთან ტყეში იპოვეს. ბავშვს სხეულზე დაზიანებები აღენიშნება, მათი ხარისხი და ხასიათი დგინდება. ადგილზე საგამოძიებო-ოპერატიული ჯგუფი მუშაობს.

წინასწარი მონაცემებით, ბავშვი გააუპატიურეს და გაგუდეს.

ბავშვი გუშინ დაიკარგა. ის აგარაკის სიახლოვეს ველოსიპედით სეირნობდა, როცა, როგორც მისმა 9 წლის მეგობარმა დაინახა, ტყიდან უცნობი მამაკაცი გამოვარდა და ბავშვი გაიტაცა.

ერთადერთი თვითმხილველის განცხადებით, მამაკაცი დაახლოებით 40 წლის და 180 სანტიმეტრი სიმაღლის იქნება. მას თეთრი პერანგი და მწვანე მოკლე შარვალი ეცვა.

ცხედრის აღმოჩენამდე განიხილებოდა გამოსასყიდის მიღების მიზნით გატაცების ვერსია, რადგან ბავშვის მამას სატვირთოგადაზიდვების ბიზნესი აქვს და ოჯახი შეძლებულად ითვლება.

მომხდართან დაკავშირებით, სისხლის სამართლის საქმეა აღძრული. ექსპერტიზის შედეგად დადგინდება რა სახის ძალადობას ჰქონდა ადგილი.