აშშ-ს პრეზიდენტი ბარაქ ობამა რუსეთში სექტემბერში დაგეგმილ აზია-წყნარი ოკეანის სამიტს (APEC) არ დაესწრება. ამის შესახებ თეთრი  სახლის პრესსპიკერმა ჯეი კერნიმ განაცხადა.
„ობამას ნოემბრამდე დაგეგმილი საზღვარგარეთ ვიზიტის შესახებ ინფორმაცია არ მაქვს, გარდა მექსიკის დიდი ოცეულის სამიტისა“ - განაცხადა მან.
კერნიმ ასევე აღნიშნა, რომ პრეზიდენტი ობამა რუსეთის პრეზიდენტს ვლადიმერ პუტინს ესაუბრა და მათი შეხვედრა მექსიკაში, ივნისში დაგეგმილ დიდი ოცეულის სამიტზე შედგება.
„ამასთან, რუსეთთან ჩვენ ყოვლისმომცველი ურთიერთობები გვაქვს და ეს იმ საკითხებში, რომლებშიც ვთანხმდებით ერთობლივ თანამშრომლობას ემყარება. არის საკითხები, რაშიც ვერ ვთანხმდებით, თუმცა, არ დავუშვებთ ჩვენს ურთიერთობას ამან ხელი შეუშალოს“ - განაცხადა კერნიმ.
აზია-წყნარი ოკეანის სამიტი ვლადივასტოკშში 7-8 სექტემბერს გაიმართება. სამიტზე აზია-წყნარი ოკეანის რეგიონში სავაჭრო და ეკონომიკური საკითხების მოგვარებაზე იმსჯელებენ. მასში მონაწილეობას რეგიონის ქვეყნების ლიდერები და 700-მდე კომპანია მიიღებს. სამიტი რუსეთში პირელად ტარდება. მას პრეზიდენტი პუტინი პირადად უმასპინძლებს.