უკრაინის სასამართლომ ყოფილი პრემიერ-მინისტრის იულია ტიმოშენკოს წინააღმდეგ ახალი საქმის განხილვა დაიწყო. ამის შესახებ ინფორმაციას „ლენტა რუ“ ავცელებს.

გავცელებული ინფორმაციით, ყოფილ პრემიერს გადასახადების დამალვას და ერთ მილიონ აშშ დოლარის გაფლანგას ედავებიან.
ბრალის დამტკიცების შემთხვევაში, გამორიცხული არ არის ტიმოშენკოს სასჯელის ვადა გაეზარდოს.
ექიმების განმარტებით, დაკავებული ტიმოშენკოს მდგომარეობა იმდენად კრიტიკულია, რომ მას სიარული თითქმის აღარ შეუძლია.
იულია ტიმოშენკოს საზღვარგარეთ მკურნალობაზე უკრაინის მთავრობამ უარი განუცხადა, რის შემდეგაც ტიმოშენკომ პროტესტის ნიშნად უკრაინელ ექიმებთან მკურნალობაზე უარი განაცხადა, რამაც მისი მდგომარეობა კიდევ უფრო დაამძიმა.
კიევის პეჩორის სასამართლომ უკრაინის ექს-პრემიერს იულია ტიმო-შენკოს 2009 წელს გაზის ძვირად ყიდვაში და უფლებამოსილების გადაჭარბებაში დადო ბრალი, რის გამოც მას 2011 წელს 7 წლიანი პატიმრობა მიესაჯა.