თეირანის ბირთვულ პროგრამასთან დაკავშირებით 13-14 აპრილს სტამბოლში შეხვედრა გაიმართება.
ამის შესახებ საუდის არაბეთში მყოფმა ამერიკის სახელმწიფო მდივანმა ჰილარი კლინტონმა პრესკონფერენციაზე განაცხადა.
მისი თქმით, შეხვედრაში ირანის და კიდევ ექვსი სახელმწიფოს წარმომადგენელი მიიღებს მონაწილეობას, მათ შორის არიან - აშშ, ბრიტანეთი, საფრანგეთი, გერმანია, რუსეთი და ჩინეთი.
სტამბოლში აღნიშნულ საკითხზე შეხვედრა 2011 წლის იანვარშიც გაიმართა. მასზე მხარეებმა დღის წესრიგზე შეთანხმებაც კი ვერ მოახერხეს.

















