ნეპალში ავტოსაგზაო შემთხვევის შედეგად 35 პილიგრიმი დაიღუპა. მათი უმრავლესობა ინდოეთის მოქალაქე იყო.
ოფიციალური კატმანდუს ინფორმაციით, ავტობუსი, რომელშიც  პილიგრიმები იმყოფებოდნენ, ნეპალის ქალაქ პარასიდან 150 კილომეტრის დაშორებით, გზიდან გადავიდა და მდინარე განდაკში ჩაიძირა. მდინარე წვიმის შედეგად იყო ადიდებული.

სამართალდამცავების განცხადებით, ტრანსპორტი სველ გზაზე მოცურდა და ავტობუსის მძღოლმა საჭე ვეღარ დაიმორჩილა. ავტობუსი ხალხით გადავსებული იყო, სულ 75 ადამიანი მგზავრობდა, ზოგიერთი მათგანი სახურავზეც კი იჯდა.

„პილიგრიმები ნეპალის ქალაქ ტრივენში ყოველწლიურ რელიგიურ ფესტივალზე დასასწრებად, ჰინდუს ღმერთის შივასთვის თაყვანისსაცემად მიემგზავრებოდნენ“ - აცხადებს ნეპალის პოლიცია.