„ახალ ძალთა მოძრაობის“ ლიდერის მიხეილ სააკაშვილის განცხადებით, ოლიგარქები ბოლოს მოუღებენ უკრაინას, რადგან ქვეყანა შესაძლოა მალე ნაწილებად დაიშალოს.

ამის შესახებ სააკაშვილმა ერთ-ერთი მედიასაშულებისთვის მიცემულ ინტერვიუში განაცხადა.

„მაიდნის შემდეგ ვერავინ შეძლო კიევის ქუჩებში ამდენი ხალხის მობილიზება, როგორც ეს ჩვენ შევძელით. საზოგადოების თანადგომის გარეშე ჩვენ ბევრს ვერ მივაღწევთ. იმ დროს როდესაც სასამართლო სისტემა მარცხს განიცდის, არ მუშაობს სახელმწიფო ინსტიტუტები, შენი გზავნილის გავრცელების ერთადერთი გზა ხალხთან ურთიერთობაა. მე შემიძლია დღესვე ნებისმიერ სხვა ქვეყანაში წავიდე. მაგრამ როდესაც ოლიგარქები იმარჯვებენ საქართველოში, მოლდოვაში, უკრაინაში და ზოგადად მსოფლიოში, ჩვენ არ გვაქვს უფლება დავნებდეთ. ეს ადამიანების ამცირებენ ხალხს, არიან კორუმპირებულები, ისინი კლავენ ქვეყნების მომავალსა და პერსპექტივებს. ოლიგარქები ბოლოს მოუღებენ უკრაინას, რადგან ქვეყანა შესაძლოა მალე ნაწილებად დაიშალოს. მე არ შემიძლია დავჯდე ჰოლანდიაში და ამ პროცესებს შორიდან ვუყურო. უკრაინას სჭირდება ცვლილებები,“-აცხადებს მიხეილ სააკაშვილი.