პარტია „ახალ ძალებთა მოძაობის“ ლიდერის მიხეილ სააკაშვილის განცხადებით, ხალხის მოთხოვნებს -შეიქმნას დამოუკიდებელი სასამართლო, გაუქმდეს სადეპუტატო იმუნიტეტი და შეიცვალოს საარჩევნო სისტემა, ხელისუფლება დღეს განიხილავს.

მისივე თქმით, აქციების გაგრძელების ან შეწყვეტის საკითხი პარლამენტის გადაწყვეტილებაზეა დამოკიდებული.

„ხალხი პოლიტიკური რეფორმის დაწყებას ითხოვს. ხელისუფლებამ განაცხადა, რომ რადა მომიტინგეების 3 ძირითად მოთხოვნას დღეს განიხილავს. ეს მას შემდეგ გადაწყვიტეს , რაც პარლამენტის წინ შეკრებილი ადამიანები და ამ საკითხის მიმართ ხალხის დამოკიდებულება დაინახეს. გაგრძელდება თუ არა აქციები ეს მას შემდეგ გადაწყდება, თუ რას იზამს რადა. ხალხს მოვუწოდებთ მოვიდნენ პარლამენტთან აქციის მონაწილეებს შეუერთდნენ იმ დროს, როდესაც რადა ხმის მიცემის პროცედურას დაიწყებს. არ უნდა გამოვუშვათ ისინი პარლამენტიდან, სანამ კანონს არ მიიღებენ. პრეზიდენტმა უარი თქვა პარლამენტის წევრების დელეგაციის მიღებაზე აბსურდული მიზეზების გამო. მე მზად ვარ ვესაუბრო პრეზიდენტს, მაგრამ მთავარი ისაა რომ მან ხალხს მოუსმინოს,”-განაცხადა მიხეილ სააკაშვილმა.