საქართველოს მესამე პრეზიდენტის, მიხეილ სააკაშვილის განცხადებით, პოროშენკოს მიერ მისთვის უკრაინის მოქალაქეობის ჩამორთმევასთან დაკავშირებით არანაირი დოკუმენტი არ აქვს, რომლის საფუძველზეც სასამართლოს მიმართავს.
მისივე თქმით, ის კიევიდან დღესვე მიემგზავრება და მოსახლეობასთან შეხვედრებს ცენტრალურ უკრაინაში განაგრძობს.
ამის შესახებ სააკაშვილმა კიევში უკრაინის პრეზიდენტის, პეტრო პოროშენკოს რეზიდენციასთან განაცხადა, სადაც ბრიფინგი გამართა.
„მე ახლა აქ ხალხის გადაწყვეტილების წყალობით ვიმყოფები. როგორც იცით, პრეზიდენტ პოროშენკოს მსოფლიოს რამდენიმე ქვეყნის ლიდერმა დაურეკა ჩემს საკითხზე სალაპარაკოდ და ის ყველას ერთი და იგივეს პასუხობს, ამბობს, რომ მიკვირს, რატომ არ მიდის სააკაშვილი სასამართლოშიო. მას უნდა რომ მე სასამართლოს მივმართო და მოქალაქეობის საკითხი იქ გავარკვიო. მათ ჯერ ხელი მოაწერეს გაურკვეველ განკარგულებას, რომელსაც დიდი ხნის განმავლობაში არ მაძლევდნენ, გამოქვეყნეს ჩემი ანკეტა, მაგრამ არ წარადგინეს არანაირი მნიშვნელოვანი დოკუმენტი, რომლის საფუძველზეც მე შევძლებ მივმართო სასამართლოს. წარმოიდგინეთ, როგორ მოექცევიან რიგით მოქალაქეებს, როდესაც მე ზურგს მიმაგრებს სახალხო დეპუტატები და მთელი მსოფლიო ინტერესდება ამ საკითხით და ამის მიუხედავად ასე მოქმედებენ, ამიტომ ვიბრძვი. აქ ჩამოვედი, რომ ადვოკატების საშუალებით პრეზიდენტის ადმინისტრაციას გადავცე ეს დოკუმენტები. მე დღევე მივემგზავრები ცენტრალურ უკრაინაში და გავაგრძელებ ქვეყანაში მოგზაურობას და ხალხთან შეხვედრებს 17 ოქტომბერს კი ისევ აქ შევიკრიბებით უკრაინელი ხალხის დასაცავად“- განაცხადა სააკაშვილმა.
შეგახსენებთ, რომ სააკაშვილი დღეს კიევში ჩავიდა. ის მომხრეებთან ერთად პეტრო პოროშენკოს რეზიდენციასთან მივიდა და ბრიფინგი გამართა.