საქართველოს ექს-პრეზიდენტის, მიხეილ სააკაშვილის განცხდებით, მზადაა გაიაროს ყველა პრიცედურა, რომელიც მის მიერ უკრაინის სახელმწიფოს საზღვრის გადაკვეთას უკავშირდება.
ამის შესახებ სააკაშვილმა ლვოვში, მესაზღვრეებთან და ადვოკატებთან ერთად საზღვრის კვეთის შესაბამისი დოკუმენტაციის გაფორმებამდე განაცხადა.
„თავიდანვე, როდესაც ჩემ წინააღმდეგ იქნა მიღებული უკანონო გადაწყვეტილება, მოქალაქეობის ჩამორთმევასთან დაკავშირებით, ყოველდღიურად მიმდინარეობდა კანონის დარღვევა. ამიტომ უკრაინის ყველა მოსაზღვრესთან მაქვს თხოვნა.
ჩემთვის ძალიან უსიამოვნოა ის ფაქტი, როდესაც გუშინ და გუშინწინ სხვადასხვა საშუალებით დამნაშავეებმა განხორციელეს პროპაგანდა, თოთქოს და ჩემ მიერ საზღვრის დარღვევის ფაქტთან დაკავშირებით. უკრაინის მოქალაქეები მიაჩნიათ სულელებად. მაგრამ ჩვენ არ გავისულელებთ თავს.
თავად ვიყავი ოდესღაც მესაზღვრე, იმ დროიდან შემოვინახე კარგი ურთიერთობა ბევრ ოფიცერთად. ჩვენ მათგან მონათესავე ურთიერთობისას არ გვაქვს პრობლეამა. ვაფასებთ უკრაინის პოლიციის თანამშრომლებს, ყველა ჩვენ სამეხდროს. მაგრამ მე არ ვაფასებ მათ ხელმძღვანელობას, არ ვცემ პატივს მათ, მაგრამ ჩემი დამოკიდებულება იმ ხალხის მიმართ არ იცვლება, რომლებიც იცავენ უკრაინას. მზად ვარ გავიარო ყველა პროცედურა.

მივმართავ პოროშენკოს და ყველა თანამდებობის პირს, რომელიც მასთან ერთად ცდილობს განახორციელოს დანაშაულებრივი მოქმედებები, მოვუწოდებ მათ, რომ ისინი ვერ შეძლებენ ჩემი პოზიციების შეცვლას. ყველაფერი გამჭვირვალე იყო და შეგეძლოთ გეხილათ ყველაფერი, მას შემდეგ, რაც ფეხი დავადგი უკრაინაში. მათ შეეძლოთ შეემოწმებინათ ჩემი დოკუმენტები. კანონი დაარღვიეს სწორედ მესაზღვრეებმა, პოროშენკოს და სხვა პირების ბრძანებით, რომლებიც არ აფასებენ საერთაშორისო სამართალს. მზად ვარ გავიარო ყველა პროცედურა“- განაცხადა სააკაშვილმა.
შეგახსენებთ, რომ ამ წუთებში ლვოვში, სასტუმროსთან, სადაც სააკაშვილი გაჩერდა, საქართველოს ექს პრეზიდენტი ადვოკატთან და მესაზღვრეებთან ერთად საზღვრის კვეთის დოკუმენტაციას აფორმებს.
უკრაინის სასაზღვრო პოლიციის წარმომადგენელთა განცხადებით, საქმეზე გამოძიება საზღვრის უკანონოდ ჯგუფურად გადაკვეთის მუხლით მიმდინარეობს.