უკრაინის ქალაქ ლვოვში, სასტუმროში, სადაც საქართველოს მესამე პრეზიდენტი მიხეილ სააკაშვილი გაჩერდა, მესაზღვრეები და პოლიციელები მივიდნენ.
მესაზღვრეების განცხადებით, მათ სასტუმროში ე.წ. პროტოკოლი მიიტანეს, რომელიც მიხეილ სააკაშვილს უნდა გადასცენ და აცნობონ, რომ 10 სექტემბერს მან სახელმწიფო საზღვარი დაარღვია.
„ამ დოკუმენტებში უნდა შეეტანათ პირადი მონაცემები და ჩვენი ახსნა განმარტებები, თუმცა თავად მესაზღვრეებს არ სურთ განმარტებების გაკეთება, რომელიც პროტოკოლში შევა და ეს უკანონოა. ახლა ჩვენ ველოდებით მათ შემდგომ გადაწყვეტილებებს. ისინი არ უნდა დარბოდნენ მთელს სასტუმროში და არ უნდა ეძებდნენ, რომელ სასტუმროში არის მიხეილ სააკაშვილი. რადგან, ამას არ ითვალისწინებს ჩვენი სამოქალაქო კოდექსი“ - განაცხადა მიხეილ სააკაშვილის ადვოკატმა.
შეგახსენებთ, რომ სააკაშვოლი ლვოვში ორი დღის წინ ჩავიდა, სადაც მას ქალაქის მერი დახვდა. გაემგზავრება თუ არა საქართველოს ექს-პრეზიდენტი კიევში ჯერ-ჯერობით უცნობია.