საქართველოს პრემიერ-მინისტრის, გიორგი კვირიკაშვილის განცხადებით, ტერორიზმი სისასტიკის ახალი მეთოდებით ემუქრება მსოფლიოს მოქალაქეებს.
პრემიერმა საკუთარ განცხადებაში ბარსელონაში მომხდარი ტერაქტის გამო მწუხარება გამოთქვა.


„დიდ მწუხარებას გამოვთქვამ ესპანეთში, ბარსელონაში მომხდარი ტერაქტის გამო, რომელსაც მსხვერპლი მოჰყვა. გულწრფელ თანაგრძნობას ვუცხადებ ესპანეთის მთავრობას, ესპანელ ხალხს.
ტერორიზმი უკვე სისასტიკის ახალი მეთოდებით ემუქრება მსოფლიოს მოქალაქეებს. იღუპებიან სრულიად უდანაშაულო ადამიანები.
მჯერა, რომ ცივილიზებული მსოფლიო შეძლებს გაუმკლავდეს ამ უდიდეს გამოწვევას და მიაღწევს მშვიდობას. ჩვენ ყველაფერი უნდა ვიღონოთ ტერორიზმის დასამარცხებლად, რათა ადამიანებს მიეცეთ მშვიდად ცხოვრების შესაძლებლობა“- ნათქვამია პრემიერის განცხადებაში.