ამერიკის შეერთებულკი შტატების ვიცე-პრეზიდენტის განცხადებით, იმას, რომ აშშ მშვიდობის მოყვარე ქვეყნებს გვერდით უდგას და მხარს უჭერს ამერიკა საქმითაც ამტკიცებს.
მისივე თქმით, რუსეთთან მომავალში ურთიერთობა შესაძლებელია, თუმცა ამჟამად სიტუაციას უკრაინის დესტაბილიზაცია და რუსეთის მხრიდან ტერორისტული რეჟიმების მხარდაჭერა ართულებს.
ამის შესახებ მაიკ პენსიმ პრემიერ გიორგი კვირიკაშვილთან ერთად გამართულ ბრიფინგზე განაცხადა.
„პრეზიდენტმა ტრამპმა გამომაგზავნა მე აღნიშნულ ტურნეში, რათა ნათელი გზავნილი მიმეტანა, ბალტიის ქვეყნების, საქართველოსა და მონტენეგროსადმი, რომ ის გვერდით უდგას მშვიდობის მოყვარე ქვეყნებს და ჩვენ ამას არ მარტო სიტყვით, არამედ ქმედებებით ვამტკიცებთ ამას.
ჩვენ ერთგულები ვართ ჩვენი ვალდებულებების მე-5 მუხლის მოთხოვნების.
მე და პრეზიდენტ ტრამპს გვწამს, რომ რუსეთთან ურთიერთობა შესალებელია, თუმცა როგორც ტრამპმა განაცხადა, ამას მომავალი გვიჩვენებს. მაგრამ მოლაპარაკებები მხარეებს შორის იწყება თითოეული პარტნიორის პოზიციების აღაირებით და პატივისცემით. იმ სანქციებს, რომელსაც ამ კვირაში ტრამპი ხელს მოაწერს ამით ჩვენი ქვეყანა ნათელ გზავნილს განახორციელებს ყველა ჩვენი მოკავშირის მისამართით, რომ რასაც ვაცხადებთ ზუსტად იმას ვაკეთებთ. რუსეთის მხრიდან უკრაინის დესტაბილიზაცია, მხარდაჭერა ტერორისტული რეჟიმებისა, რა თქმა უნდა, ართულებს პროცესს, მაგრამ დარწმუნებულები ვართ, რომ ჩვენ შევძლებთ მომავალში რუსეთთან დიალოგის განხორციელებას. პრეზიდენტი ტრამპი თვლის, რომ თავის დროზე ამერიკის პოზიციის არა მკაფიო გაცხადების გამო შეიქმნა ეს რეალობა, იმიტომ რომ ამერიკა ავლებდა წითელ ხაზებს და არ მიყვებოდა თავის განცხადებებს. ჩვენ გამოვდივართ პრინციპიდან, მშვიდობა და სიმტკიცე ჩვენს მოქმედებებში. დარწმუნებულები ვართ, რომ დიალოგი ჩვენ მოგვიტანს უკეთეს შედეგებს და ხანგრძლივი კონფლიქტების მოგვარების საშუალებას საქართველოსა და უკრაინაში, ასევე სხვა რეგიონებში“- განაცხადა მაიკ პენსიმ.