ამერიკის შეერთებული შტატების ვიცე-პრეზიდენტის მაიკ პენსის განცხადებით, აშშ-ის პრეზიდენტის, დონალდ ტრამპის ადმინისტრაცია ყოვეთვის მკაცრ პასუხს გასცემს ქვეყნებს, რომლებსაც პრეტენზია ექნებათ საქართველოს ტერიტორიული მთლიანობა ხელყონ.
მისივე თქმით, პრეზიდენტმა ტრამპმა რუსეთის წინააღმდეგ სანქციებს ხელი უკვე მოაწერა.

ამის შესახებ მაიკ პენსიმ საქართველოს პრემიერ-მინისტრთან, გიორგი კვირიკაშვილთან შეხვედრის შემდეგ გამართულ ბრიფინგზე განაცხადა.

„პრეზიდენტ ტრამპი და მე მხარს ვუჭერთ 2008 წლის ბუქარესტის სამიტის განცხადებას, რომ საქართველო გახდება ნატოს წევრი. ასევე ძალიან შთამბეჭდავია, რომ საქრთველო მშპ-ის 2%-ს ხარჯავს თავდაცვის სფეროზე და ამით ბევრ ნატოს წევრს ასწრებს, თუმცა ეს მძიმე რეალობითაა გამოწვეული. სულ 40 კილომეტრის დაშორებით რუსული ტანკები გახლავთ განლაგებული საქართველოს ტერიტორიაზე. ქართული ტერიტორიების სულ 20% გახლავთ ოკუპირებული და მე ხაზს ვუსვამ, რომ აშშ მკაცრად გმობს რუსეთის მიერ საქართველოს ოკუპაციას. აშშ მტკიცე მხარდაჭერას უცხადებს საქართველოს სუვერენიტეტს.
დონალდ ტრამპის ადმინისტრაცია ყოვეთვის მკაცრ პასუხს გასცემს ქვეყნებს, რომლებსაც პრეტენზია ექნებათ საქართველოს ტერიტორიული მთლიანობა ხელყონ. პრეზიდენტმა ტრამპმა ხელი მოაწერა და მალე მას საკანონმდებლო სახე მიეცემა, სანქციებს, რომლებსაც რუსეთის წინააღმდეგ არის მიმართული, თუმცა ჩვენ გვსურს რუსეთის წინააღმდეგ სანქციების გაუქმება, მასთან ურთიერთობა, თუმცა ეს მოხდება მხოლოდ მაშინ, როდესაც რუსეთი გააუქმებს თავის დესტრუქციულ ქმედებებს. ჩვენ გვსურს რუსეთთან კარგი ურთიერთობა, თუმცა ბოლო ნაბიჯები, რაც რუსეთმა გადადგა საწინააღმდეგოს მეტყველებს.
ჩვენ გვსურს გავაღრმავოთ საქართველოსთან ურთერთობა, რათა საქართველომ შეძლოს გადაიტანოს რუსეთის აგრესიის შედეგები.
ჩვენ ბიზნეს ურთიერთობებს გავამყარებთნ. მე მივესალმები რომ საქართველოს მოსახლეობას მეტი შესაძლებლობები ექნება ეკონომიკური კუთხით. ანაკლიის პორტი გახლავთ საუკეთესო გამოხატულება ამ სფეროში.
კიდევ ერთხელ გავუსვამ ხაზს დონალდ ტრამპის სიტყვებს, ჩვენ თქვენ გვერდზე ვართ, ჩვენ ვაგრძელებთ მოკავშირეობას საქართველოსთან, საქართველო დასავლეთთანაა დაკავშირებული. ჩვენი ძალა ყოველთვის ჩვენ ერთიანობაში იქნება“- განაცხადა პენსიმ.