უკრაინის პრეზიდენტის, პეტრო პოროშენკოს განცხადებით, საქართველოსა და უკრაინას ერთი და იგივე საფრთხეები აქვთ, რომლისგანაც უნდა დაიცვან ტერიტორიული მთლიანობა და დამოუკიდებლობა.
მისივე თქმით, ქართველებს შეუძლიათ უკრაინელი ხალხის იმედი ჰქონდეთ.
ამის შესახებ პეტრო პოროშენკომ საქართველოს პრეზიდენტთან, გიორგი მარგველაშვილთან შეხვედრის შემდეგ განაცხადა.
„პირველ რიგში, დიდი მადლობა იმ უნიკალური ატმოსფეროსთვის, რომელიც ჩვენმა დელაგაციამ საქართველოს მიწაზე პირველი ნაბიჯიდან იგრძნო. თქვენ მეგობრებსა და სტრატეგიულ პარტნიორებს შორის ხართ, თქვენ იმათ შორის ხართ, ვისაც უკრაინა ძალიან ენდობა და ჩვენთვის ძალიან სასაიამოვნოა, რომ სწორედ მაშინ ვიმყოფებით აქ, როცა ჩვენი სახელმწიფოები 4 დღეში დიმპლომატიური ურთიერთობების აღდგენის 25 წლისთავს აღნიშნავენ. აღდგენის იმიტომ რომ ჩვენ ურთიერთობები დავამყარეთ 90 წლის წინ. მაგრამ 100 წლის წინ უკრაინამ და საქართველომ დაკარგა დამოუკდებლობა. ამით უფრო მეტი პასუხსმგებლობა აქვს ჩვენს ქმედებებს, რომ დავიცვათ ჩვენი სუვერენიტეტი, უკრაინისა და საქართველოს ტერიტორიული მთლიანობა, დამოუკიდებლობა. დავიცვათ ჩვენი თავსუფლება და დემოკრატია და საფრთხეები ჩვენ ერთი და იგივე გვაქვს. ჩვენ არავის მივცემთ საშუალებას გვიკარნახოს მომავალი. უკრაინელებს სჯერათ, რომ როგორც ადრე იყო ძალაიან რთულ დროს, უკრაინელებს შეუძლიათ ჰქონდეთ ქართველი მოძმე ხალხის იმედი, ისევე როგორც ქართველებს შეუძლიათ ჰქონდეთ ჩვენი იმედი. ასე იყო 2008 წელს, 2014 წელს და ახლაც არის“- განაცხადა უკრაინის პრეზიდენტმა.
მისივე თქმით, უკრაინელები თავს ხრიან ქართველი ბიჭების ხსოვნისთვის, რომლების 2014 წელს უკრაინას იცავდნენ.
„ყველამ არ იცის რომ ჩემი მეუღლის დიდი ბაბუა, იძულებული იყო გაქცეულიყო თბილისში და საქართველომ იხსა ჩემი მეუღლის ოჯახი მშიერი სიკვდილისგან. ჩემი მეუღლის ბებია, 43 წელს მოხვდა სტალინგრადში და იყო ევაკუირებული თბილისში. იგი აქ ცხოვრობდა. ეს რჩება თაობებში და ეს აყალიბებს მტკიცე საფუძველს ჩვენი ნდობისა და მეგობრობისას. უკრაინელები თავს ხრიან ქართველი მოძმე ბიჭების ხსოვნისთვის, რომლებიც 2014 წელს ჩამოვიდნენ უკრაინაში და ჩაეწერნენ უკრაინის შეიარაღებული ძალების სიაში და იცავდნენ ჩვენი ქვეყნის სუვერენიტეტს. ასე ყალიბდება ჩვენი მეგობრობისა და სტრატეგიული პარტნიორობის ფუნდამენტი. ზუსტად ეს ურთიერთობები აყალიბებენ იმ ისტორიულ დოკუმენტს, რომელსაც ხელი მოვაწერეთ, საქართველოსა და უკრაინას შორის სტრატეგიული ურთერთობის დამყარების დეკლარაციას - ესაა უმაღლესი ფორმა ნდობისა“- განაცხადა პოროშენკომ.