საქართველოს საგარეო საქმეთა მინისტრმა მიხეილ ჯანელიძემ სერბეთის რესპუბლიკის პრეზიდენტის ალექსანდარ ვუჩიჩის ინაუგურაციის საზეიმო ცერემონიალში მიიღო მონაწილეობა.
ინაუგურაციის საზეიმო ცერემონია „სერბეთის სასახლეში“ გაიმართა. ღონისძიებას 5000-მდე სტუმარი დაესწრო, მათ შორის სხვადასხვა ქვეყნის პრეზიდენტები, პრემიერ-მინისტრები, საგარეო საქმეთა მინისტრები და სხვა მაღალი თანამდებობის პირები.
ალექსანდარ ვუჩიჩი 2012-2013 წლებში სერბეთის რესპუბლიკის თავდაცვის მინისტრი, ხოლო 2014-2017 წლებში ქვეყნის პრემიერ-მინისტრი იყო. ალექსანდარ ვუჩიჩი სერბეთის რესპუბლიკის პრეზიდენტი ოფიციალურად 2017 წლის 31 მაისს გახდა.