საქართველოს ნატო-ს გენერალური მდივნის მოადგილე ალექსანდრ ვერშბოუ ეწვია.
ნატოს-ს საინფორმაციო ცენტრის ინფორმაციით, ვიზიტის ფარგლებში დღეს ვერშბოუ ვიცე პრემიერ-მინისტრს გიორგი ბარამიძესა და პარლამენტის თავმჯდომარეს დავით ბაქრაძეს შეხვდება.

როგორც საგარეო საქმეთა მინისტრის მოადგილემ დავით ჯალაღანიამ განაცხადა, ნატოს გენერალური მდივნის მოადგილის ვიზიტი ერთგვარი გაგრძელებაა ნატოსთან არსებული დაილოგისა და საქართველოსა და ალიანსს შორის მჭიდრო, ეფექტური და წარმატებული თანამშრომლობისა.
ჯალაღანიას თქმით, ვიზიტის ფარგლებში საუბარი შეეხება 2014 წლის შემდეგ საქართველოს მიერ ნატოს სწავლების, დახმარებისა და ხელშეწყობის მისიაში წვლილის შეტანის საკითხსაც.
დღესვე, ვერშბოუ სტუდენტებს შეხვდება და ნატოს ჩიკაგოს სამიტის შედეგებსა და ნატო-საქართველოს ურთიერთობებზე ესაუბრება.
შესავალი სიტყვის შემდეგ ვერშბოუ სტუდენტების კითხვებსაც უპასუხებს. შეხვედრას თბილისის სახელმწიფო უნივერსიტეტის რექტორი ალექსანდე კვიტაშვილი და ნატოს შესახებ საინფორმაციო ცენტრის დირექტორი თენგიზ გოგოტიშვილი დაესწრებიან.
ვიზიტის ფარგლებში, ალექსანდრე ვერშბოუ ბათუმში თავდაცვისა და უსაფრთხოების კონფერენციასაც დაესწრება. ის საქართველოს 29 ივნისს დატოვებს.