ლიმაში პერუს რესპუბლიკაში საქართველოს საპატიო კონსულის ორგანიზებით ოფიციალური მიღება გაიმართა, რომელიც საქართველოს დამოუკიდებლობისა აღდგენისა და ქართული კინოფილმების ფესტივალს მიეძღვნა.

ღონისძიებაზე დამსწრე საზოგადოებას სიტყვით მიმართეს საქართველოს საპატიო კონსულმა პერუს რესპუბლიკაში პილარ დეზამ და ბრაზილიის ფედერაციული რესპუბლიკაში საქართველოს საქმეთა დროებითმა რწმუნებულმა კონსტანტინე საბიაშვილმა.

ღონისძიება ესწრებოდნენ პერუს პოლიტიკური წრეების, პერუში აკრედიტებული დიპლომატიური კორპუსის წარმომადგენლები, საპატიო სტუმრები. მიღებაზე სტუმრებს გაუმასპინძლდნენ ქართულ ღვინით.

გარდა ამისა, 7-17 ივნისს “ალ ესტე დე ლიმას" ცენტრალური და აღმოსავლეთ ევროპის VIII კინოფესტივალის ფარგლებში პერუს რესპუბლიკაში პირველად იმართება ქართული კინოფილმების ჩვენება, რომელსაც დაესწრო ბრაზილიის ფედერაციული რესპუბლიკაში საქმეთა დროებითი რწმუნებული. ფესტივალზე წარდგენილია 10 ფილმი. საქართველოს მხარეს კინო ფესტივალზე წარმოადგენს საქართველოს კინემატოგრაფიის ეროვნული ცენტრი.