კოალიცია „ქართული ოცნების” ლიდერი ბიძინა ივანიშვილი, დღეს კარნეგის ფონდის დელეგაციას შეხვდა.
როგორც facebook-ის კოალიცია „ქართული ოცნების“ გვერდზეა ნათქვამი, შეხვედრას  კარნეგის ფონდის ევრაზიის და რუსეთის პროგრამის დირექტორი ჯეიმს კოლინსი, კარნეგის ფონდის რუსეთის და ევრაზიის პროგრამის დირექტორის მოადგილე მეთიუ როიანსკი, კარნეგის ფონდის რუსეთისა და ევრაზიის პროგრამების უფროსი სპეციალისტი ტომას დე ვაალი და ფინეთის ყოფილი ელჩი მოსკოვსა და ბერლინში რენე ნაიბერგი ესწრებოდნენ.
კოალიციის ლიდერსა და კარნეგის ფონდის დელეგაციის წარმომადგენლებს შორის საუბარის მთავარი თემა საქართველოში მიმდინარე მოვლენების, საარჩევნო გარემოსა და რეგიონული უსაფრთხოების საკითხების გარშემო წარიმართა.