პოლიტიკური კოალიცია „ქართული ოცნების“ ლიდერი ბიძინა ივანიშვილი დღეს ამერიკის შეერთებული შტატების ეროვნულ-დემოკრატიული ინსტიტუტის მისიის წარმომადგენლებს შეხვდა.
ბიძინა ივანიშვილმა NDI-ის დელეგაციას საქართველოში არსებული წინასაარჩევნო გარემო და კოალიციისთვის შექმნილი პრობლემები გააცნო, ასევე ესაუბრა „ქართული ოცნების“ ცენტრალური ოფისის ირგვლივ განვითარებულ მოვლენებზე.
NDI-ის დელეგაციის წევრები საქართველოს გუშინ ეწვივნენ. დელეგაციაში შედიან მისურის შტატის მდივანი რობინ კარნაჰანი, წარმომადგენელთა პალატის ყოფილი წევრი და საერთაშორისო ურთიერთობათა კომიტეტის წევრი სემ გეჯდენსონი, საქართველოში ევროკავშირის დელეგაციის ყოფილი ხელმძღვანელი პერ ეკლუნდი, NDI-ის პრეზიდენტი კენეთ ვოლაკი და NDI-ის საქართველოს ოფისის დირექტორი ლუის ნავარო და სხვები.
დელეგაცია წინასაარჩევნო გარემოს შეაფასებს და შედეგებს 29 ივნისს, პრესკონფერენციაზე გამოაქვეყნებს.