ინდონეზიის რესპუბლიკაში საქართველოს საგანგებო და სრულუფლებიანმა ელჩმა ზურაბ ალექსიძემ ქალთა უფლებებისადმი მიძღვნილ კონფერენციაში მიიღო მონაწილეობა. ინდონეზიის უნივერსიტეტის ევროპული კვლევების ცენტრის ორგანიზებით გამართულ საერთაშორისო სემინარში “The Role and Function of Women for a Just and Prosperous Society” ზურაბ პატარიძემ საპატიო სტუმრის სტატუსით მოხსენება წაიკითხა.

ელჩმა გამოსვლისას საქართველოში ქალთა როლისა და ქალთა უფლებების დაცვის კუთხით მიღწეული პროგრესის შესახებ ისაუბრა. მან ყურადღება გაამახვილა რუსეთის საოკუპაციო რეჟიმის მიერ საქართველოს ოკუპირებულ ტერიტორიებზე (აფხაზეთი და ცხინვალის რეგიონი) ადამიანის უფლებების, მათ შორის ქალთა უფლებების უხეში დარღვევების შესახებ.

სემინარს ჯაკარტაში აკრედიტებული დიპლომატიური კორპუსის, ინდონეზიის წამყვანი უნივერსიტეტებისა და მედიის წარმომადგენლები ესწრებოდნენ.

მოხსენების შემდეგ ელჩმა სემინარის ფარგლებში გამართულ დისკუსიაში მიიღო მონაწილეობა.