ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი ბათუმში განვითარებულ მოვლენებს გამოეხმაურა.
როგორც სუბარმა განაცხადა, სწორედ სააკაშვილისგან წამოსული მესიჯები იყო არეულობისკენ მიმართული.
მისივე თქმით, არეულობის სურვილი სააკაშვილის ბევრ მომხრესაც ჰქონდა, თუმცა ეს სურვილი ვერ განახორციელეს.
„სააკაშვილისგან მკაფიო მესიჯები მოდიოდა და სწორედ ეს მესიჯები იყო არეულობისკენ, რევოლუციური სცენარის მომწიფებისკენ მიმართული, თუმცა ეს არ განხორციელდა. როგორც ჩანს, დღესაც, სააკაშვილის ძლიან ბევრ მომხრეს ჰქონდა ამის სურვილი მაგრამ არ გამოვიდა და თანაგუნდელიც ამის შემდეგ გარიცხეს პარტიიდან, თუმცა სანამ გარიცხავდენ ჩვენ ყველა დავრწმუნდით, რომ ეს ადამიანი პარტიის ისეთ ლიდერებთან დაახლოებული პირია, როგორიცაა სააკაშვილი, ადეიშვილი და სხვები. თავს მათთან გადაღებული სურათებით იწონებს და როგორც ჩანს მათ იდეოლოგიასაც იზიარებს. უბრალოდ, როცა კოვზი ნაცარში ჩაუვარდათ, შემდეგ გადაწყვიტეს, რომ ერთმანეთს გამიჯვნოდნენ მაგრამ ამით არაფერი იცვლება“-განაცხადა სოზარ სუბარმა.