კოალიცია „ქართული ოცნების“ პრესსპიკერის განცხადებით, „სახალხო კრება“ იმ ორგანიზაციას წარმოადგენს, რომელთან თანამშრომლობასაც კოალიცია არ გამორიცხავს. ამის შესახებ მან დღეს გამართულ პრესკონფენციაზე განაცხადა.
ფანჯიკიძის შეფასებით, არსებობენ ისეთი პარტიები რომელთან თანამშრომლობასაც კოალიცია გამორიცხავს და პირიქით. „სახალხო კრებასთან“ კი, შეხვედრა არაერთხელ გამართულა.
„მასში ძალიან ბევრი ღირსეული ადამიანია, რომელთაც პატივს სცემს არამხოლოდ ბიძინა ივანიშვილი და „ქართული ოცნება“, არამედ მთელი საქართველო. ჩვენ არაერთხელ აღგვინიშნავს მათი როლი და ღირსეული ადგილი საქართველოს ცხოვრებაში. აქედან გამომდინარე, მათთან ურთიერთობა არც გასაკვირია და არც მოულოდნელი“ - აღნიშნა ფანჯიკიძემ.
ფანჯიკიძის განცხადებით, შეხვედრები სხვა პარტიების წარმომადგენლებთანაც იმართება. მან არ გამორიცხა, რომ მათთან თანამშრომლობა მაჟორიტარების დონეზე შედგეს.
რეგიონებში „სახალხო კრებიდან“ მაჟორირატი დეპუტატობის კანდიდატებთან დაკავშირებით კრების წარმომადგენლებსა და ბიძინა ივანიშვილს შორის შეხვედრა გაიმართა.