საქართველოს პრეზიდენტი მიხეილ სააკაშვილი აცხადებს, რომ ნუცუბიძის მეოთხე მიკრორაიონი თბილისში ერთ-ერთი ცენტრალური უბანი ხდება.
მან აღნიშნულ მიკრორაიონში მდებარე საგანგებო სიტუაციათა მართვის ცენტრი - 112 დათვალიერა.
პრეზიდენტმა თბილისის ახალ ინფრასტრუქტურულ პროექტებზე გაამახვილა ყურადღება და აღნიშნა, რომ იმ ადგილას, სადაც ახლა საგანგებო სიტუაციათა მართვის ცენტრი მდებარეობს, არავის ეგონა რომ გზა გაკეთდებოდა.
„მე ვიყავი ვაკის რაიონის დეპუტატი და ნუცუბიძის მეოთხე მიკრორაიონი ყველაზე უიმედო შემთხვევა იყო ჩემს პოლიტიკურ პრაქტიკაში. ინფრასტრუქტურა საერთოდ არ იყო გარშემო. ახლა აქ ძალიან ხარისხიანი და კარგი გზაა. მეოთხე მიკრორაიონი თბილისში ერთ-ერთი ყველაზე კარგი უბანი ხდება, არაჩვეულებრივი ხედებით, სილამაზით, სუფთა ჰაერით“- განაცხადა სააკაშვილმა.
მან საგანგებო სიტუაციათა მართვის ცენტრის არქიტექტურაზეც გაამახვილა ყურადღება და აღნიშნა, რომ შესაძლოა, ვინმეს მისი არქიტექტურა არ მოეწონოს, მაგრამ ის ნუცუბიძის მეოთხე მიკრორაიონს ფუნქციას უცვლის.
პრეზიდენტს პირადად ძალიან მომწონს აღნიშნული შენობის არქიტექტურა, რადგან მისივე თქმით, ფუნქციონალურად იგი ნუცუბიძეზე ცხოვრების ხარისხის ამოყირავებას უტოლდება.