ფრაქცია „ერთობა სამართლიანობისთვის“ წევრმა ქართული დასის ლიდერმა ჯონდი ბაღათურიამ დღეს პარლამენტის თავმჯდომარეს მოსთხოვა მიაწოდოს ინფორმაცია დეპუტატების სამივლინებო ხარჯების შესახებ და სხდომაზე ფოტომასალა წარადგინა, რომელზეც მივლინებებისას მმართველი გუნდის წევრების გართობაა ასახული.
კერძოდ, ბაღათურიამ წარადგინა სურათი, რომელზეც ასახულია დეპუტატი ნუგზარ წიკლაური ბალალაიკით ხელში და ასევე გოკა გაბაშვილი, რომლებიც, მისი თქმით, გასულ წელს კლაიპედაში ვიზიტისას საბიუჯეტო სახსრებით ერთობოდნენ.
„ეს არის სამარცხვინო მასალა, იმისა როგორ ერთობიან დეპუტატები და მინისტრები საბიუჯეტო სახსრებით და როგორ არცხვენენ ისინი ქვეყანას“ - განაცხადა ბაღათურიამ.
ბაღათურიას მოთხოვნას სამივლინებო ხარჯების შესახებ, პარლამენტის თავმჯდომარემ უპასუხა და აღნიშნა, რომ ეს არის ღია ინფორმაცია და კონკრეტული მივლინების ხარჯის მოთხოვნის შემთხვევაში, დეპუტატს იგი მიეწოდება.