პარლამენტის მმართველი გუნდის ერთ-ერთი ლიდერი ნუგზარ წიკლაური მიიჩნევს, რომ კოალიცია “ქართული ოცნების” ლიდერის ბიძინა ივანიშვილის მიერ ერთ–ერთი რეგიონის დასახელებაში დაშვებული შეცდომა მეტყველებს იმაზე, თუ რამდენად კარგად იცნობს ის საქართველოს რეგიონების პრობლემატიკას.
ივანიშვილმა ოზურგეთში კვირას გამართულ აქციაზე მცხეთა–მთიანეთის ნაცვლად სამცხე–მთიანეთი ორჯერ გაიმეორა, რასაც დღეს მმართველი გუნდის გამოხმაურება მოჰყვა.
„ეს მართლაც გაუგონარი სიტყვაშეთანხმება და გაუგონარი ადგილია, რომელიც არავინ იცის, საქართველოში სად მდებარეობს” - აღნიშნა წიკლაურმა.
მისი თქმით, ამ შეცდომამ წარმოაჩინა, თუ რამდენად კარგად იცნობენ ოპოზიციონერი პოლიტიკოსები ქვეყნის რეგიონებს და მათ პრობლემებს.