პარლამენტის იურიდიულ საკითხთა კომიტეტში კამპანია „ეს შენ გეხებას“ მონაწილე ორგანიზაციების მიერ მომზადებულ საკანონმდებლო წინადადებებთან დაკავშირებით კომიტეტის თავმჯდომრის პავლე კუბლაშვილისა და კანონპროექტის ავტორების შეხვედრა გაიმართება.

შეხვედრას საქართველოს ახალგაზრდა იურისტთა ასოციაციის თავმჯდომარე თამარ ჩუგოშვილი, „საერთაშორისო გამჭვირვალობა-საქართველოს“ დირექტორი ეკა გიგაური, კოალიცია „არჩევანი თავისუფლებისთვის“ წევრი ირაკლი მელაშვილი და სხვები დაესწრებიან.

„ეს შენ გეხება“ კამპანიის მონაწილე არასამთავრობო და მედია ორგანიზაციებმა კამპანიის მეორე ეტაპი 7 მაისს დაიწყეს. კამპანია საარჩევნო კოდექსში ცვლილებებს ითვალისწინებს.

აღნიშნულთან დაკავშირებით კამპანიის მონაწილეებმა საქართველოს პარლამენტში საკანონმდებლო წინადადებათა პაკეტი შეიტანეს, წინადადებები ბიურომ განიხილა, რის შენდეგადაც იურიდიულ საკითხთა კომიტეტს გადაეცა.