„ქრისტიან-დემოკრატიული მოძრაობა“ სოციალური დაცვის სახელმწიფო პროგრამის შეფასების კრიტერიუმების გადახედვას მოითხოვს.
როგორც ფრაქციის ერთ-ერთმა ლიდერმა მაგდა ანიკაშვილმა განაცხადა, სოციალური დახმარების პროგრამის ძირითადი პრობლემა სოციალურად დაუცველი მოსახლეობის შეფასებაა. მისივე თქმით, ქულები სქემატურად ითვლება, რაც ბევრ სოციალურად დაუცველ პირს დახმარების გარეშე ტოვებს.
აღნიშნულთან დაკავშირებით მაგდა ანიკაშვილი ნაძალადევის რაიონში მცხოვრებ სოციალურად დაუცველ როსტიაშვილების ოჯახს ესტუმრა. იგი ადგილზე გაეცნო, რა პირობებში ცხოვრობს ოჯახი და რატომ არ მოხვდა სოციალურად დაუცველ პირთა ნუსხაში.
ანიკაშვილის თქმით, როსტიაშვილებს სოციალურმა სააგენტომ 88 000 ქულა მიანიჭა და საშეღავათო პირობების გარეშე დატოვა, რაც, მისივე განცხადებით, უსამართლო გადაწყვეტილებაა.
„მიუხედავად ოჯახის უკიდურესი გაჭირვებისა იგი არც სადაზღვევო და არც ფულადი დახმარების პროგრამაში არ არის. სოციალური დახმარების სახელმწიფო პროგრამის მიხედვით კი, მაღალი ქულების აქვს მინიჭებული“-აღნიშნა ანიკასვილმა
„ქრისტიან-დემოკრატები“ აცხადებენ, რომ მოქმედი სოციალური სტატუსის შეფასების კრიტერიუმები არაობიექტურია.