"ქართული დასის" ლიდერი ჯონდი ბაღათურია სასკოლო სახელმძღვანელოებზე ფასების ზრდას აპროტესტებს.  დღეს მან ვაგზლის მოედანზე არსებული წიგნის მაღაზიები მოინახულა და საგანგებო ბრიფინგი გამართა.
"განათლების სისტემაში, ეგრეთწოდებული სახელმძღვანელოების მაფიის სახით, შექმნილია კორუმპირებული კლანი რომელსაც სასკოლო სახელმძღვანელოების წარმოებაზე მონოპოლია და მაღალი ფასები აქვს დაწესებული" - განაცხადა ბაღათურიამ "ნიუსპრესთან" საუბარში.
მისივე თქმით, აბიტურიენტებისათვის უნარ-ჩვევების და ასევე მათემატიკის სახელმძღვანელოს ფასი 14 ლარი, ხოლო მეორე კლასის მათემატიკის სახელმძღვანელოს ფასი 10 ლარია. "რეალურად კი ამ სახელმძღვანელოების ღირებულება 2-3 ლარს შეადგენს. სხვაობიდან მოგებული თანხები კი განათლების სამინისტროს უსინდისო და კორუმპირებული ჩინოვნიკების ჯიბეებში მიდის" - აღნიშნა ბაღათურიამ.