კოალიცია „ქართული ოცნების“ ლიდერი ბიძინა ივანიშვილი თავისუფლების მოედანზე გამართულ კოალიციის აქციაზე ხალხის  მიერ მის მიმართ შეძახილების საკითხს დღეს, ბრიფინგზე გამოეხმაურა.
„ჩვენ ახალი მესია არ გვჭირდება. როცა ხალხი ყვიროდა „ბიძინა“, „ბიძინა“, მე ამ დროს სიტყვის გაგრძელებას მაქსიმალურად ვცდილობდი, მაგრამ ამავდროულად თუ ხალხს ამის განწყობა აქვს, არაფერი საშინელება ამაში არ ხდება, თუმცა, მე ამის მაინც წინააღმდეგი ვარ“- განაცხადა ივანიშვილმა.
მისი თქმით, საზოგადოებას არ უნდა ჰქონდეს მსგავსი განწყობა და კოალიცია ყოველმხრივ ცდილობს, ეს არ შეიქმნას.
რაც შეეხება 27 მაისის აქციაზე მისული ხალხის რაოდენობას, ამასთან დაკავშირებით, ივანიშვილმა განაცხადა, რომ აქციაზე იმაზე მეტი ხალხი მივიდა, „ვიდრე მიშას ავტობუსებში ჩაეტეოდა“.