პოლიტიკური კოალიცია ,,ქართული ოცნების“ აქტვისტები ვაკის პარკიდან თავისუფლების მოედნისკენ უკვე დაიძრნენ.

მსვლელობამ ჭავჭავაძის გამზირზე მოძრაობა დროებით გადაკეტა.

მხარდამჭერებს კოალიციის ლიდერები უკვე შეუერთდნენ, მათ შორის არიან ირაკლი ალასანია, მანანა კობახიძე, მაია ფანჯიკიძე და სხვა ლიდერები.

როგორც ირაკლი ალასანიამ ,,ნისუპრესთან“ საუბარში განაცხადა, დღეს იწყება ,,ქართული ოცნების“ საარჩევნო კამპანია და ამ კამპანიის შედეგად, ოქტომბერის საპარლამენტო არჩევნებში ქართველი ხალხი გაიმარჯვებს.

,,აღნიშნული კამპანია ოქტომბერში დამთავრდება ამ ხალხის პარლამენტში მოსვლით. ეს პროცესი გამარჯვებითა და წარმატებით ჩაივლის. ჩვენ აღარ უნდა შევეგუოთ უსამართლობას და არსებულ რეჟიმს“-აღნიშნა ალასანიამ.

როგორც კოალიციის ერთ-ერთმა წევრმა კახა შარტავამ ,,ნიუსპრესს“ განუცხადა, აქტივისტთა მთავარი მიზანი არჩევნების მეშვეობით არსებული რეჟიმისგან გათავისუფლებაა.

მისივე თქმით, ის მუხტი რაც აქციაზეა, აუცილებელია მთელს საქართველოზე გავრცელდეს.