კოალიცია „ქართული ოცნების“ პრესსამდივნო თავისუფლების მოედანზე დღეს დაგეგმილი აქციის დროს მოსალოდნელ პროვოკაციებზე  განცხადებას ავრცელებს. მათი ინფორმაციით, დღეს თბილისის რამდენიმე უბანში უცნობმა პირებმა მოსახლეობას დაურიგეს ფული, „ქართული ოცნების“ მაისურები და სთხოვეს მხარდაჭერა გამოეხატათ კოალიციის მიმართ და დასწრებოდნენ მანიფესტაციას.
ამასთანავე, აღნიშნული პორები პარალელურად ახდენდნენ ამ პროცესის გადაღებას სახელისუფლებო მედიის მეშვეობით.
„ვფიქროთ, ეს არის მორიგი პროვოკაციული ქმედება ხელისუფლების მხრიდან , რომელიც ემსახურება „ქართული ოცნების“ დისკრედიტაციას“ - აღნიშნულია განცხადებაში.
კოალიცია მოუწოდებს თბილისის მოსახლეობას, უარი თქვან მსგავს გარიგებაზე და ამგვარი ფაქტების შესახებ ინფორმაცია მიაწოდონ „ქართული ოცნების“ საორგანიზაციო ჯგუფს, რომლებიც მხარდამჭერთა თავშეყრის ადგილებში იმოძრავებენ.