2015 წლის მოდერნიზაციის გეგმის თანახმად, ქვეყნის ყველა რეგიონში 24-საათიანი წყალმომარაგება იქნება.  ამის შესახებ საქართველოს პრეზიდენტმა მიხეილ სააკაშვილმა ქუთაისში, პარლამენტის საზეიმო სხდომაზე განაცხადა.

მისი თქმით, საქართველოში ყველაფერი სოფლის მოსახლეობისთვის, რუსთავის, ტყიბულის, გარეუბნებსა და იმ ადგილების მცხოვრებთათვის კეთდება, სადაც არასდროს არ გაუყვანიათ კარგი გზა.

„ყველაფერი იმ ხალხისთვის კეთდება, სადაც არ მიუყვანიათ წყალი, არ შეუქმნიათ ელემენტარული პირობები“ - განაცხადა პრეზიდენტმა და იმ ოპოზიციონერებს დაეთანხმა, რომლებიც ქუთაისის წლის პრობლემაზე საუბრობდნენ.

მისივე განცხადებით, საქართველოს ყველა რეგიონში 24-საათიანი წყალმომარაგება იქნება.

„ყველაფერი სწორედ იმ ხალხისთვის უნდა გავაკეთოთ, ვისაც უანგაროდ, მთელი გულით უყვარს ქვეყანა, თუმცა, ქვეყნისგან ბევრი არასდროს არაფერი მიუღია“ - აღნიშნა სააკაშვილმა.

აქვე, პრეზიდენტმა დასძინა, რომ ქვეყნის აღმშენებლობის პროცესს ვერავინ შეაჩერებს.