ქუთაისში პარლამენტის საზეიმო სხდომა უკვე დაიწყო.
სხდომათა დარბაზში უკვე იმყოფება საქართველოს პრეზიდენტი მიხეილ სააკაშვილი.

დეპუტატებმა და სხდომაზე დამსწრეებმა სახელმწიფო ჰიმნი მოისმინეს.

პრეზიდენტმა და პარლამენტის თავმჯდომარემ სიმბოლურად შენობის შემინვაში მიიღეს მონაწილეობა.

ქუთაისში პრეზიდენტის ოჯახის წევრები, დიპლომატიური კორპუსისა და მთავრობის წარმომადგენლები იმყოფებიან.

დღევანდელი სხდომა საქართველოს დამოუკიდებლობის დღესთან დაკავშირებით იმართება და მასზე მხოლოდ პრეზიდენტის სიტყვით გამოსვლაა დაგეგმილი.

სხდომის შემდეგ პრეზიდენტი სამხედრო აღლუმს ჩაიბარებს.