კოალიცია „ქართული ოცნება“ 27 მაისს დაგეგმილ აქციაზე პროვოკაციას არ გამორიცხავს. ამის შესახებ განცხადება პოლიტიკური კოალიცია „ქართული ოცნების“ პრესსპიკერმა მაია ფანჯიკიძემ დღეს ტრდიციულ ბრიფინგზე გააკეთა.
„ხელისუფლების მეთოდები ყველასთვის ცნობილია. არ გამოვრიცხავ, რომ სამოქალაქო ტანსაცმელში გამოწყობილი რომელიმე უწყების თანამშრომლები და პოლიციელები ერთმანეთს დაუპირისპირდნენ, ვითომდა, რაღაც გაუგებრობის გამო. ყველაფრის პრევენცია შეუძლებელია, ჩვენი თავდაცვის მთავარი მექანიზმი პროცესის საჯაროობაა“ - განაცხადა მან.
ფანჯიკიძის განცხადებით, ჟუნალისტები დააფიქსირებენ ყველაფერს რაც მოხდება, ისინი განლაგდებიან არა მარტო თავისუფლების მოედანზე, არამედ, მის მიმდებარე ტერიტორიაზე.
მისი თქმით, ძალიან მნიშვნელოვანია ხალხის მაღალი თვითშეგნება, რათა პროვოკაციებს არ წამოეგონ.
„ვფიქრობ, რომ იქ მოსულმა ყველა მოქალაქემ იცის რისთვის მოდის აქციაზე. ისინი სწორედ იმიტომ მოდიან, რომ იციან ხელისუფლება ყველაფერზეა წამსვლელი. ამ თვისებების გამო უნდა საზოგადოებას ხელისუფლების წასვლა და სწორედ ამ სურვილის გამოხატულება იქნება აქციაზე მათი მისვლა“-განაცხადა ფანჯიკიძემ.
კოლიციის აქცია 27 მაისს 15.00 საათზე თავისუფლების მოედანზე იგეგმება.