მგზავრობის საფასურის საბარათე სისტემით გადახდა სამარშრუტო ტაქსების მძღოლების პროტესტს არ გამოიწვევს,  - ამის შესახებ "ნიუსპრესს" საქართველოს ტრანსპორტისა და გზების მუშაკთა პროფკავშირის ხელმძღვანელმა ლავრენტი ალანიამ განუცხადა.
მისი აზრით, საბარათე სისტემაზე გადასვლა მძღოლების მუშაობაზე დადებითად აისახება და მგზავრობასაც უფრო კომფორტულს გახდის.
გარდა ამისა, ტრანსპორტის პროფკავშირები მიესალმება მძღოლებისთვის ფიქსირებულ ხელფასის გადახდას, რომლის შემოღებაც იგეგმება. თუმცა, ალანია არ გამორიცხავს, რომ ამ ფაქტმა მძღოლების პროტესტი გამოიწვიოს. "რეფორმა მარტო ის არ არის, რომ ყველაფერი ყვითელი იყოს. რეფორმაში ყველანაირი კომფორტი იგულისხმება", - აღნიშნა ლავრენტი ალანიამ.
გადახდის საბარათე სისტემის ამოქმედება მას შემდეგ იგეგმება, რაც ძველი მიკროავტობუსების ახლით შეცვლის პროცესი დასრულდება.