,,ეროვნულ-დემოკრატიული პარტია“ წინასაარჩევნო კამპანიის ფარგლებში მთავარ აქცენტს დასაქმებაზე გააკეთებს. ამის შესახებ, პარტიის ერთ-ერთმა  ლიდერმა ბაჩუკი ქარდავამ სასტუმრო ,,ვერე-პალასში განაცხადა.
მან დღეს საზოგადოებას პარტიის განახლებული შემადგენლობა და პროგრამა, წინასაარჩევნო კლიპი და სააგიტაციო მასალა წარუდგინა.
ქარდავას განმარტებით, პარტიის შემადგენლობა ახალგაზრდა წევრების შემატებით განახლდა.
,,ეროვნულ-დემოკრატიული პარტიის“ წევრებმა განახლებულ პროგრამაზეც ისაუბრეს. მათი ახალი სლოგანი და ახალი პროგრამის სახელია - ,,დასაქმებული საქართველო“, შესაბამისად, პროგრამაში ძირითადი აქცენტი დასაქმებაზეა გაკეთებული.
,,მოქალაქეებისთვის ჩვენი მთავარი გზავნილია - თავისუფალი ბიზნესი, დასაქმებული მოქალაქეები და შეძლებული ოჯახი“ - განაცხადა ბაჩუკი ქარდავამ.
მისივე თქმით, პროგრამის ერთ-ერთი მნიშვნელოვანი პუნქტი დიასახლისებისთვის საოციალური სტატუსის შემოღებაა.
პარტია წინასაარჩევნო პერიოდში საგიტაციო მასალის სახით, საკუთარ გაზეთსაც გამოცემს.