ქართული საარჩევნო კოდექსი შეშფოთების საფუძველს იძლევა - ამის შესახებ კოალიცია „ქართული ოცნების“ ლიდერებთან შეხვედრის შემდეგ გამართულ პრესკონფერენციაზე,  მაკედონიიდან ლიბერალური ინტერნაციონალის გენერალულმა მდივანმა ემილ კირიასმა განაცხადა.
მისი განმარტებით, ისინი საარჩევნო კოდექსს გაეცნენ და მიიჩნევენ, რომ ოპოზიციამ და მთავრობამ ვენეციის კომისიის რეკომენდაციების გათავლისწინებით ახალი კოდექსი უნდა შექმნან.
„არსებული კოდექსის თანახმად, ქვეყნის მოსახლეობის ერთ ნაწილს მეტი შესაძლებლობები აქვს, ვიდრე მეორეს“- განახცადა კირიასმა.
მან ასევე აღნიშნა, რომ ვენეციის კომისიის რეკომენდაციების გათვალისწინებას პრინციპული მნიშვნელობა აქვს არჩევნების დემოკრატიულად და სამართლიანად ჩატარებისთვის.
ლიბერალური ინტერნაციონალის დელეგაციის წევრები კოალიცია „ქართული ოცნების“ ლიდერებს დღეს შეხვდნენ.
კოალიციის წევრებმა ევროპელ პარლამენტარებსა და პოლიტიკოსებს ქვეყანაში შექმნილი ვითარება გააცნეს. ისინი საქართველოში კოალიციის მოწვევით იმყოფებიან.