საკონსტიტუციო ცვლილებებთან დაკავშირებით საპარლამენტო უმრავლესობის წინადადებები “ქრისტიან-დემოკრატებისთვისაც” მიუღებელია.
პარლამენტის პლენარულ სხდომაზე ნიკა ლალიაშვილმა განაცხადა, რომ კონსტიტუცია ფუნდამენტურად იცვლება, რადგან 10 წელსა და 3 წელს შორის დიდი განსხვავებაა.
„ჩვენ კანონპროექტის მეორე მოსმენაზე დავაყენებთ ალტერნატიულ საკითხს და პარლამენტს ვთხოვთ ჩვენს მიერ წარმოდგენილ პროექტს უყაროს კენჭი” - განაცხადა ლალიაშვილმა.
საპარლამენტო უმრავლესობა საკონსტიტუციო ცვლილებების მხარდაჭერასთან დაკავშირებით საკუთარ პირობებს აყენებს. უმრავლესობის ერთ-ერთმა ლიდერმა პავლე კუბლაშვილმა განაცხადა, რომ ცვლილებებს მხოლოდ იმ პირობით დაუჭერენ მხარს, თუ ეს ნორმა 2014 წლის 1 იანვრამდე იმოქმედებს.
ამასთან, კონსტიტუციის ახალი და საბოლოო რედაქცია ასეთია - „2014 წლის 1 იანვრამდე საპარლამენტო და საპრეზიდენტო არჩევნებში მონაწილეობის და ხმის მიცემის უფლება საქართველოს მოქალაქეებთან ერთად შესაბამისი ასაკიდან ასევე აქვთ პირებს, რომლებიც დაბადებული არიან და ბოლო 10 წელი მუდმივად ცხოვრობენ საქართველოში და ევროკავშირის წევრი სახელმწიფოს მოქალაქეობა აქვთ“.