პარტია "თავისუფალი საქართველოს" დედოფლისწყაროს რაიონული ორგანიზაციის ინფორმაციით, საპარლამენტო უმრავლესობის ლიდერი ზურაბ მელიქიშვილი და  დეპუტატი ანდრო ალავიძე დედოფლისწყაროს 16 თებრვალს გასაიდუმლოებულ ვითარებაში ესტუმრენ. ისინი პირველ საჯარო სკოლაში ნაციონალური მოძრაობის ადგილობრივ წარმომადგენლებს და საჯარო მოხელეებს შეხვდნენ. ვიზიტის შესახებ არც მოსახლეობა და არც მედია ინფორმირებული არ ყოფილა. "რამდენადაც ჩვენთვის ცნობილი გახდა, ნაცმოძრაობის ლიდერმა მუნიციპალიტეტის ნაციონალ აქტივისტებს გააქტიურებისკენ და ხალხის იდეოლოგიურად დამუშავებისკენ მოუწოდა" - აცნობა "ნიუსპრესს" "თავისუფალი საქართველოს"დედოფლისწყაროს ორგანიზაციის თავმჯდომარემ, თამილა გურაშვილმა.
მისივე ცნობით, საპარლამენტო უმრავლესობის ლიდერს დახურული შეხვედრა ადგილობრივ სამართალდამცველებთან და უშიშროების თანამშრომლებთანაც ჰქონდა.
"ეს მეტყველებს იმაზე, რომ სამართალდამცავებმა მოახლოებულ არჩევნებთან დაავშირებით საგანგებო დავალებები მიიღეს " - აღნიშნავენ პარტიაში.
პარტიის ცნობითვე, ანალოგიური დახურული სხდომები რამდენიმე დღის წინ თელავსა და გურჯაანშიც გაიმართა, სადაც პარლამენტის ვიცე-სპიკერი მიხეილ მაჭავარიანი იყო ჩასული.