საპარლამენტო ფრაქცია „ერთობა სამართლიანობისთვის“ მდივნის გიორგი ცაგარეიშვილის შეფასებით, ვის როგორი რეიტინგი აქვს 26 მაისს გამოჩნდება, როდესაც „ქართული ოცნება”  საარჩევნო კაპანიას გახსნილად გამოაცხადებს. აღნიშნული კომენტარი ცაგარეიშვილმა IRI-ს კვლევების შეფასებისას გააკეთა.
დეპუტატის თქმით, ”ქართული ოცნება” აშშ-ის საერთაშორისო რესპუბლიკური ინსტიტუტის კვლევებს პოლიტიკური პარტიების რეიტინგთან დაკავშირებით არ ენდობა.
ცაგარეიშვილის განმარტებით, ამის მიზეზი ისაა, რომ კვლევებს ამერიკული ორგანიზაციების მიერ დაქირავებული ქართული კომპანიები ატარებენ, რომლებსაც მონაცემებით მანიპულირება შეუძლიათ.
„ბოლო 6 თვეში ჩატარებული სხვა კვლევები საპირისპიროს ასახავს. სხვა კვლევების თანახმად, მთავარი ოპოზიციური ძალა “ქართული ოცნებაა” . “ქრისტიან-დემოკრატების რეიტინგი კი საერთოდ არ იზომება. რატომ უნდა ვენდოთ NDI-ის და IRI-ს და რატომ არ უნდა ვენდოთ სხვებს? მაგალითად, იაგო კაჭკაჭიშვილისა და საიტების მიერ ჩატარებულ კვლევებს, სადაც შედეგები არ იფილტრება და პირდაპირ აისახება” – აღნიშნა გიორგი ცაგარეიშვილმა.
საერთაშორისო რესპუბლიკური ინსტიტუტის (IRI) კვლევების თანახმად, პარტიული რეიტინგების ნაწილში „ნაციონალურ მოძრაობას“ 45%, „ქართულ ოცნებას“ 18%, „ქრისტიან დემოკრატიულ მოძრაობას“ კი – 9% აქვს.
IRI-ს კვლევა მიმდინარე წლის 20 მარტიდან 6 აპრილის პერიოდში ჩატარდა. სულ 4006 მოქალაქე გამოიკითხა.