საერთაშორისო რესპუბლიკური ინსტიტუტის (IRI) მიერ ჩატარებული კვლევის თანახმად, გამოკითხულთა 59% ნატო-ში საქართველოს ინტეგრაციას მხარს უჭერს.
კვლევის შედეგებით, გამოკითხულთა 20% ნატოში ინტეგრაციას მეტნაკლებად ეთანხმება, 4% - მეტნაკლებად წინააღმდეგია, 6% - კატეგორიულად წინააღმდეგია, ხოლო 11%-ს კითხვაზე პასუხი არ აქვს.
გამოკითხულთა 4% მიიჩნევს, რომ ნატო-ში საქართველო 2012 წელს შევა, 24% ფიქრობს, რომ ეს 2014 წელს მოხდება, 8%-ის აზრით, ნატო-ში საქართველო ვერასდროს შევა, ხოლო 64%-ს კითხვაზე პასუხი არ აქვს.
კვლევა მიმდინარე წლის 20 მარტიდან 6 აპრილის პერიოდში ჩატარდა. გამოიკითხა 18 წლის ასაკის ზემოთ 4 ათას 6 მოქალაქე.