ესპანეთის სამეფოს დეპუტატთა კონგრესის საგარეო ურთიერთობათა კომიტეტის დავმჯდომარე ჯუზეპ ანტონი დურან ი ლეიდა კონგრესში საქართველოში ესპანეთის სალეჩოს გახსნის საკითხს დააყენებს.

როგორც მან დღეს თბილისში, საქართველოს საგარეო საქმეთა მინისტრთან გრიგოლ ვაშაძესთან შეხვედრის შემდეგ განაცხადა, ესპანეთი დადებითად აფასებს საქართველოში განხორციელებულ და მიმდინარე პოლიტიკურ და ეკონომიკურ რეფორმებს.

,,რაც შეეხება ჩვენს ორმხრივ ეკონომიკურ და პოლიტიკურ ურთიერთობას, მე, როგორც საგარეო ურთიერთობათა კომიტეტის თავმჯდომარე, აუცილებლად დავაყენებ კონგრესზე საკითხს იმის შესახებ, რომ საქართველოში ესპანეთის საელჩო გაიხსნას“ - აღნიშნა ი ლეიდამ.

შეხვედრაზე მან კიდევ ერთხელ დაადასტურა საქართველოს ტერიტორიული მთლიანობისა და სუვერენიტეტისადმი მხარდაჭერა.

საქართველოს საგარეო საქმეთა მინისტრის გრიგლ ვაშაძის თქმით, შეხვედრაზე მხარეებმა ორმხრივ ურთიერთობაზე, პოლიტიკურ და ეკონომიკურ ასპექტებზე ისაუბრეს.

,,ჩვენს სტუმარზე დიდი შთაბეჭდილება მოახდინა მაკროეკონომიკურმა მაჩვენებლებმა, განსაკუთრებით იმ ეკონომიკურ ფონზე, რაც ევროპის ქვეყნების უმრავლესობაშია“ - აღნიშნა ვაშაძემ.

მისი თქმით, შეხვედრაზე ყუარდღება გამახვილდა საქართველოს ნატო-სა და ევროკავშირში ინტეგრაციის საკითხებზეც.